Google ADS

Asamblisti i LDK-së propozon që të rregullohet me ligj shërbimi i ujit pa pagesë nëpër lokale

14:02 | 10 Mars 2018
Arbresh.info

Asamblisti i LDK-së në Prishtinë, Sokol Havolli, ka shpërndarë një lajm nga BBC, që thotë se në Britani të Madhe, në secilin ambient që merret me aktivitet hotelerie (kafe, restorant, hotel, pub, diskotekë) janë të obliguar për të shërbyer ujë në gotë, prej çezmës, nëse këtë e kërkon konsumatori.

“E drejta e qasjes në ujë pa pagesë është e çdo qytetari. Tek ne, qasja në ujë pa pagesë është në vullnet të pronarit të restorantit”, ka thënë Havolli.

“Besoj se ia vlen edhe në nivel qendror, por pse jo, edhe në nivel lokal, që të analizohet legjislacioni për të realizuar të drejtën e qytetarit për qasje në ujë të pijes në hapësira ku ushtrohen aktivitete hoteliere. Edhe pse shumica e hoteleve, restoranteve, bareve, etj. shërbejnë ujë pa pagesë, është e nevojshme që pakica të mos përfitojë në kurriz të të drejtës elementare në shoqëri”, ka shtuar ai.

 

Shpërndaje në rrjete sociale

Lajmet më të lexuara

Të ngjashme

Foto lajm